單車遊法國(三 )

住 宿

我 哋 今 次 主 力 用 Airbnb 搵 地 方 住 。 Airbnb 俾 一 啲 屋 主 將 佢 哋 閒 置 嘅 房 間 或 房 屋 放 出 黎 , 俾 人 短 租 暫 住 , 係 一 個 極 好 嘅 發 明 , 喺 法 國 運 作 得 唔 錯 。 我 哋 都 可 以 用 比 較 平 嘅 價 錢 租 倒 一 啲 Studio 住 。 有 時 只 可 以 租 人 哋 嘅 一 間 睡 房 , 要 同 屋 主 共 用 洗 手 間 同 廚 房 , 雖 然 冇 咁 free, 但 係 亦 不 失 為 一 個 深 入 了 解 當 地 人 生 活 嘅 機 會 。

大 家 要 注 意 嘅 係 , Airbnb 嘅 選 擇 良 莠 不 齊 , 亦 聽 唔 少 別 人 不 愉 快 嘅 經 驗 。 揀 地 方 時 一 定 要 睇 清 楚 其 他 用 家 嘅 評 價 。 作 為 住 客 亦 都 要 尊 重 別 人 , 一 來 大 家 都 想 呢 個 遊 戲 可 以 繼 續 , 二 來 , 屋 主 亦 都 可 以 review 住 客 。 如 果 你 有 又 長 又 好 嘅 紀 錄 , 將 來 搵 地 方 住 , 亦 都 容 易 獲 得 屋 主 嘅 信 任 。

如 果 想 多 啲 選 擇 搵 間 靚 屋 住 , 起 碼 要 提 早 幾 日 聯 絡 , 因 為 唔 係 個 個 屋 主 都 會 成 日 有 得 上 網 , 可 能 要 等 幾 個 鐘 先 至 回 覆 , 萬 一 傾 唔 掂 數 , 要 搵 過 第 二 間 屋 嘅 時 候 就 更 加 緊 張 嘞 。 如 果 急 搵 地 方 住 , 可 以 試 吓 佢 個 Instant Booking, 或 者 乾 脆 用 hotels.com 或 booking.com。

房 租 方 面 , 除 咗 巴 黎 同 Toulouse 比 較 貴 , 雙 人 房 要 百 幾 歐 羅 一 晚 之 外 , 其 他 都 係 五 六 十 歐 羅 一 晚 。

以 下 係 我 哋 住 過 嘅 一 啲 比 較 好 嘅 地 方 。

Le Dormeur Du Val (山 谷 中 睡 眠 的 人 )
位 於 les mas d’agenais 小 村 莊 的 Bed and Breakfast, 其 中 一 個 主 人 是 一 個 好 有 型 嘅 攝 影 師 , 屋 內 收 藏 咗 好 多 特 別 嘅 嘢 , 擺 響 度 我 都 唔 知 係 俾 我 用 定 淨 喺 俾 我 睇 。 佢 個 Breakfast 係 我 喺 法 國 食 倒 最 正 嘅 早 餐 , 我 哋 一 路 食 , 佢 就 一 路 推 啲 嘢 黎 , 一 時 喺 地 窖 攞 隻 大 火 腿 , 一 時 去 雜 貨 舖 買 生 果 。 一 間 雙 人 房 雖 然 接 近 100 歐 , 但 係 計 埋 份 早 餐 , 性 價 比 係 唔 錯 嘅 。

Best view in Sète – centre town
我 哋 喺 Airbnb 搵 倒 一 間 運 河 邊 靚 景 嘅 住 宿 。 屋 主 叫 Nancy, 在 法 國 從 事 旅 遊 業 嘅 加 拿 大 人 。 Nancy 間 屋 好 大 好 classic, 雖 然 有 兩 間 客 房 , 可 以 容 納 四 至 五 人 , 但 是 , Nancy 每 次 只 會 招 呼 一 伙 人 , 避 免 兩 班 客 人 相 處 有 問 題 。 我 最 鍾 意 佢 話 每 當 有 人 住 時 , 佢 就 係 roommate。 咁 樣 , 我 就 知 道 如 何 自 處 嘞 。 佢 個 對 住 運 河 嘅 法 式 陽 台 係 我 哋 嘅 favourite spot, 成 日 見 佢 哋 坐 響 個 陽 台 食 早 餐 , 今 次 終 於 都 可 以 自 己 試 吓 嘞 。

如 果 你 想 入 住 呢 間 airbnb, 你 最 好 禮 貌 地 介 紹 吓 自 己 , roommate 嘛 , 都 要 俾 人 了 解 吓 你 。

搵 厠 所

自 動 公 共 厠 所 , 火 車 站 ( 部 分 會 收 費 ) , 博 物 館 , 餐 廳 ( 最 好 幫 趁 吓 人 啦 ) , 教 堂 …… 有 人 嘅 地 方 , 就 有 呢 個 需 要 , 只 要 細 心 搵 , 應 該 唔 難 搵 。

後 記

法 國 人 俾 人 嘅 印 像 係 好 唔 願 講 英 文 , 如 果 你 同 佢 哋 講 英 文 , 佢 哋 就 當 聽 唔 倒 。 不 過 , 大 家 試 想 想 , 你 會 唔 會 同 日 本 人 講 中 文 ? 大 家 都 係 黃 皮 膚 , 黑 眼 珠 , 用 漢 字 過 喎 。 唔 好 以 為 人 哋 紅 鬚 綠 眼 , 用 相 同 嘅 字 母 就 要 識 講 英 文 至 得 架 。 我 認 識 嘅 一 啲 法 國 人 其 實 真 係 唔 識 講 英 文 架 , 就 好 似 你 同 我 咁 , 唔 識 日 文 , 韓 文 。 除 咗 喺 巴 黎 大 城 市 之 外 , 如 果 我 哋 喺 當 地 一 開 口 就 講 英 文 , 人 哋 唔 知 點 算 好 都 好 正 常 。 起 碼 都 用 法 文 同 人 哋 打 招 呼 先 。 「 磅 書 , 蜜 樹 。 」 「 磅 書 , 麻 淡 。 」 唔 使 怕 自 己 講 得 唔 正 , 你 肯 嘗 試 講 人 哋 嘅 話 , 人 哋 都 會 好 apprieciate。 跟 住 再 問 吓 人 講 唔 講 英 文 - 「 芋 怕 哩 戇 咕 哩 ? 」 , 佢 即 使 唔 係 好 講 得 , 都 會 盡 量 幫 吓 手 。

我 hea hea 地 學 咗 兩 三 年 法 文 , 喺 條 街 道 問 路 , 好 多 人 都 好 幫 手 , 自 己 唔 知 條 路 喺 邊 , 都 幫 我 去 附 近 嘅 舖 頭 問 , 有 一 次 舖 頭 老 闆 都 唔 知 條 街 喺 邊 , 佢 就 開 電 腦 查 , 仲 畫 埋 張 地 圖 俾 我 , 其 實 好 nice 架 。 一 係 其 實 係 我 生 得 靚 仔 ……

好 , 講 完 !

Le dormeur du val

Le dormeur du val

Nancy 在  airbnb 讓 大 家  enjoy 佢 個 靚 陽 台 。

Nancy 在 airbnb 讓 大 家 enjoy 佢 個 靚 陽 台 。

教 堂 大 方 地 讓 人 使 用 乾 淨 嘅 厠 所 。

教 堂 大 方 地 讓 人 使 用 乾 淨 嘅 厠 所 。 大 家 記 得 唔 好 整 污 糟 人 地 個 厠 所 呀 。

廣 告 時 間 : DoDo 姐 話 , 去 旅 行 記 得 要 買 旅 遊 保 險 呀 。 寫 得 好 嘅 , 打 賞 我 , send 個 email 搵 我 買 啦 。 或 者 , 嫌 煩 嘅 試 吓 下 面 呢 間 都 得 架 。 記 得 睇 清 楚 條 款 , 啱 唔 啱 你 。

This entry was posted in 認真玩樂. Bookmark the permalink.

Leave a Reply