非洲人的保險

保 險 呢 一 行 , 雖 然 在 香 港 發 展 左 咁 耐 , 時 不 時 都 俾 人 覺 得 邪 邪 地 , 當 年 入 行 時 , 父 母 當 然 唔 係 咁 認 同 , 更 加 有 朋 友 覺 得 我 俾 人 呃 , 如 果 唔 係 , 好 地 地 一 個 大 學 畢 業 生 , 做 咩 去 做 保 險 Sales?

不 過 , 非 洲 肯 亞 呢 位 1997年 入 行 的 保 險 前 輩 Hasan Bashir所 受 的 壓 力 就 更 大 。 雖 然 在 保 險 呢 行 搵 倒 錢 , 但 係 佢 老 爸 就 點 都 唔 肯 要 佢 D錢 , 都 莫 講 話 用 作 去 聖 城 麥 加 朝 聖 的 盤 川 囉 。 因 為 保 險 包 含 賭 博 成 份 , 有 很 多 伊 斯 蘭 長 老 都 認 為 不 符 合 伊 斯 蘭 教 化 。 哦 , 伊 斯 蘭 的 教 化 除 左 借 錢 俾 人 唔 準 收 利 息 外 , 對 保 險 都 限 制 的 。 不 過 正 如 債 券 都 有 符 合 伊 斯 蘭 教 的 , 保 險 當 然 也 有 啦 , 其 實 公 元 662年 後 在 伊 斯 蘭 教 徒 中 已 經 有 類 似 保 險 的 制 度 , 叫 做 Takaful。 Bashir先 生 家 人 的 反 對 , 鼓 勵 了 佢 成 立 左 肯 亞 第 一 間 符 合 伊 斯 蘭 教 法 的 保 險 公 司 , 亦 取 名 做 Takaful。 最 特 別 既 係 , Bashir先 生 想 為 村 民 的 牲 畜 提 供 保 障 , 減 少 因 牲 畜 受 旱 災 影 響 死 亡 而 造 成 的 損 失 。 在 非 洲 牲 畜 算 是 當 地 人 的 身 家 財 產 , BBC的 紀 錄 片 Human Planet第 二 集 , 就 有 一 個 片 段 講 述 一 個 非 洲 少 年 為 了 讓 家 裡 的 牛 有 水 飲 , 趕 左 三 日 牛 , 到 八 十 公 里 外 的 湖 (lake Banzena), 而 且 還 要 同 大 象 對 峙 。 牲 畜 之 於 非 洲 人 , 就 如 樓 之 於 香 港 人 吧 。

牲 畜 在 荒 野 上 游 盪 , 要 承 保 呢 D動 物 , 唔 容 易 。 Bashir先 生 努 力 左 唔 少 , 不 過 都 係 失 敗 收 場 。 後 來 , 佢 發 現 內 羅 比 International Livestock Research Institute的 經 濟 學 家 Andrew Mude發 展 出 的 一 個 低 廉 的 計 算 賠 償 方 法 。 佢 利 用 人 造 衛 星 的 圖 片 評 估 旱 災 對 牧 草 造 成 的 影 響 , 牧 草 越 少 , 牲 畜 越 虛 弱 , 價 格 下 跌 , 萬 一 牲 畜 死 亡 就 更 加 血 本 無 歸 。 當 牧 草 下 降 15%, 保 險 開 始 開 賠 , 越 乾 旱 就 越 賠 得 多 。 承 保 牲 畜 太 複 雜 , 行 政 費 太 高 , 拉 高 保 費 , 冇 人 會 投 保 。 反 而 承 保 牧 草 就 比 較 簡 單 了 , 實 在 太 聰 明 啦 ! 到 左 降 雨 充 足 時 , 牧 民 就 可 以 用 呢 D保 金 買 羊 買 牛 買 駱 駝 , 唔 使 由 零 開 始 。

一 個 行 業 邪 與 否 , 視 乎 佢 對 個 社 會 有 沒 有 幫 助 , 保 險 是 一 種 互 相 照 顧 的 制 度 , 將 錢 交 到 不 幸 的 人 手 上 , 對 社 會 當 然 有 利 。 只 是 各 行 各 業 都 會 有 害 群 之 馬 , 大 家 帶 眼 識 人 便 是 了 。

以 上 故 事 在 上 一 期 經 濟 學 人 讀 到 。 原 文 在 此 :

http://www.economist.com/news/middle-east-and-africa/21601022-new-kind-insurance-may-protect-herders-against-drought-insure-my-cows

This entry was posted in Uncategorized and tagged , . Bookmark the permalink.

Leave a Reply