強積金半自由行指南(二)

最 近 睇 完 一 本 叫 做 A Random Walk Down Wall Street: The Time-Tested Strategy for Successful Investing (Eleventh Edition) 嘅 書 , 有 以 下 關 於 美 債 及 美 股 嘅 歷 史 數 據 。 可 以 幫 大 家 諗 吓 揀 咩 基 金 好 。

債 券 vs 股 票
股 票 本 質 上 雖 然 比 債 券 風 險 高 , 但 係 , 自 1802年 以 來 , 股 票 的 回 報 跑 贏 債 券 回 報 的 機 會 , 隨 住 投 資 年 期 增 加 而 上 昇 。 如 果 投 資 1年 , 股 票 有 60.2%的 時 間 會 跑 贏 債 券 , 5年 則 69.5%, 10年 則 79.7%, 20年 則 91.3%, 30年 則 99.4%。 咁 既 然 MPF係 用 黎 退 休 , 年 期 就 肯 定 長 到 廿 幾 三 十 年 啦 , 所 以 , 年 輕 的 你 , 揀 股 票 基 金 賺 多 啲 嘅 機 會 就 自 然 高 好 多 嘞 。 年 長 的 , 四 五 十 歲 就 黎 退 休 的 又 點 呢 ? 咁 就 要 睇 下 你 筆 錢 幾 時 用 嘞 , 退 咗 休 之 後 都 仲 有 二 十 年 時 間 咖 嘛 , 咁 你 埋 使 住 面 果 浸 錢 先 囉 , 下 面 果 浸 唔 使 咁 急 轉 出 黎 吖 。

美 股 基 金 表 現
好 ! 咁 即 係 話 揀 股 票 基 金 啦 , 股 票 基 金 都 好 多 過 喎 , 點 揀 呢 ? 嗱 , 我 睇 緊 另 一 本 書 What Works on Wall Street, Fourth Edition: The Classic Guide to the Best-Performing Investment Strategies of All Time, 劈 頭 第 一 章 就 話 好 多 美 國 股 票 基 金 都 跑 輸 俾 美 股 的 一 個 指 數 -標 普 500( SP500) 。 自 1991年 以 來 , 要 連 續 十 年 都 跑 贏 SP500嘅 , 就 只 有 30%, 而 且 都 仲 未 計 果 啲 撈 唔 掂 摺 埋 咗 嘅 基 金 。 其 實 只 要 大 家 google下 “active vs index fund”, 都 會 搵 倒 好 多 報 告 都 係 咁 講 。 如 果 要 精 細 啲 嘅 資 料 , 可 以 上 專 門 研 究 基 金 表 現 嘅 morningstar.com搵 。 即 係 話 , 如 果 我 地 投 資 年 期 長 過 10年 , 買 SP500的 ETF, 就 可 以 處 於 頭 30%。 咩 都 唔 使 做 , 跟 個 指 數 咗 喎 , 都 唔 錯 吖 。

又 有 人 會 覺 得 跑 贏 指 數 冇 用 , 要 賺 錢 至 得 架 , 唔 好 講 輸 少 過 其 他 人 就 係 贏 。 不 過 投 資 又 點 會 實 贏 吖 , 咁 驚 輸 , 不 如 揸 現 金 囉 。 賬 面 上 一 定 唔 會 輸 架 , 但 係 你 嚿 現 金 嘅 購 買 力 就 會 年 年 少 幾 個 percent, 舉 個 例 子 , 如 果 通 脹 率 年 年 都 係 3%, 23年 後 購 買 力 就 會 唔 見 咗 一 半 。 所 以 要 保 住 購 買 力 , 我 哋 一 係 即 刻 洗 晒 啲 錢 佢 , 一 係 就 投 資 。 不 如 等 我 地 睇 下 個 指 數 掂 唔 掂 先 啦 。

坐 實 SP500唔 好 郁
股 票 市 場 就 當 然 有 上 有 落 , 我 本 Random Walk就 有 一 頁 顯 示 , 自 1950年 至 2009年 , 最 唔 好 彩 果 一 年 , SP500輸 37%, 最 好 彩 就 賺 52.62%, 平 均 就 略 多 於 10%。

如 果 投 資 者 於 1950年 至 2009年 之 間 , 是 但 求 祈 搵 一 年 買 貨 , 買 完 之 後 一 坐 坐 十 年 , 咩 都 唔 理 , 最 唔 好 彩 果 十 年 就 每 年 輸 1.38%, 最 好 彩 年 年 賺 19.35%, 平 均 都 係 年 年 賺 10%。

如 果 坐 25年 呢 , 最 唔 好 彩 , 年 年 都 賺 7.94%喎 , 最 好 彩 17.24%, 平 均 就 略 多 於 10%。 最 差 每 年 都 有 7.94%, 投 入 100蚊 , 25年 後 就 有 675.4蚊 喎 。

咁 即 係 話 只 要 肯 長 時 間 守 , 就 點 都 有 錢 賺 , 唔 使 睇 住 個 市 出 出 入 入 , 而 且 回 報 仲 唔 差 。 ( 又 出 又 入 除 咗 好 花 時 間 , 仲 好 容 易 做 錯 事 , 想 低 買 高 賣 , 分 分 鐘 變 咗 高 買 低 賣 , 仲 衰 。 )我 哋 供 強 積 金 , 唔 係 一 炮 過 俾 曬 , 而 係 每 個 月 供 , 所 以 大 有 可 能 會 得 到 每 年 10%平 均 回 報 。 咁 就 唔 使 成 日 留 意 住 令 人 無 所 適 從 嘅 財 經 新 聞 , 專 心 做 好 自 己 份 工 好 過 。

咁 其 他 股 票 市 場 呢 ? 恒 生 指 數 , 德 國 Dax, 英 國 富 時 ……手 上 冇 資 料 冇 得 計 。 Yahoo雖 然 有 得 download數 據 , 但 係 數 據 少 , 時 間 短 , 加 上 唔 包 股 息 回 報 , 唔 準 確 , 所 以 我 都 係 將 我 個 scope限 制 响 美 股 度 。 請 記 住 , 以 上 嘅 數 據 係 SP500指 數 嘅 回 報 , 所 以 要 獲 得 呢 個 回 報 , 就 要 買 追 蹤 呢 個 指 數 嘅 基 金 。 相 反 , 如 果 你 去 買 其 他 Active Mangaged嘅 美 股 基 金 , 十 年 後 就 會 有 70%以 上 嘅 機 會 差 過 呢 個 表 現 。

講 到 呢 度 , 我 叉 開 小 小 講 兩 個 故 事 俾 大 家 聽 。

幸 福 的 雞 註 1 vs 會 飛 的 羊
從 前 , 雞 籠 內 有 一 隻 雞 , 佢 從 佢 破 殼 而 出 果 日 起 , 發 現 只 要 雞 籠 度 門 一 開 , 行 出 去 就 有 好 嘢 食 。 於 是 , 每 次 雞 籠 一 開 , 佢 就 即 刻 衝 出 去 開 餐 , 食 到 佢 肥 肥 白 白 。 有 一 日 , 雞 籠 照 常 準 時 開 門 。 不 過 , 今 次 佢 見 倒 嘅 係 一 把 鋒 利 嘅 刀 , 一 嘢 將 佢 個 頭 斬 咗 落 嚟 , 變 成 隻 炸 子 雞 。

從 前 , 有 隻 好 有 自 信 嘅 羊 , 佢 每 日 只 要 跟 住 大 隊 到 山 上 , 就 會 有 草 食 , 有 時 仲 會 有 人 幫 佢 剃 吓 毛 , 總 之 , 埋 堆 就 有 著 數 。 有 日 , 羊 群 內 有 隻 羊 失 足 , 跌 左 落 懸 崖 , 其 他 羊 慣 左 跟 隨 , 就 一 隻 跟 住 一 隻 咁 跌 咗 落 去 。 呢 隻 有 自 信 嘅 羊 雖 然 目 睹 成 件 事 , 佢 都 唔 信 自 己 會 跌 死 , 佢 身 上 嘅 毛 , 話 唔 埋 會 令 到 佢 飄 起 呢 , 佢 唔 信 邪 埋 跳 咗 出 去 囉 。 於 是 , 佢 就 以 接 近 a=10嘅 加 速 度 而 下 跌 。 死 左 。

故 事 講 完 。

根 據 過 往 嘅 統 計 數 據 , 長 時 間 投 資 美 股 會 有 唔 錯 嘅 表 現 , 但 係 如 果 我 地 覺 得 以 前 發 過 嘅 事 , 將 來 都 會 發 生 , 會 唔 會 做 咗 果 隻 幸 福 的 雞 呢 ? 又 或 者 唔 信 邪 , 明 明 見 倒 前 面 嘅 人 嘅 結 果 , 都 唔 去 汲 取 教 訓 , 會 唔 會 成 為 跳 崖 嘅 羊 呢 ?

觀 察 完 , 發 現 咗 一 個 現 象 後 , 仲 要 了 解 背 後 嘅 原 因 , 有 咩 力 量 令 到 呢 個 現 象 出 現 。 而 呢 個 力 量 會 唔 會 見 光 死 呢 ? 如 果 呢 個 力 量 繼 續 存 在 , 我 哋 就 可 以 放 心 落 注 。 google吓 呢 一 個 命 題 , 大 家 都 好 容 易 揾 倒 股 票 跑 贏 債 券 嘅 原 因 , 例 如 Inestopedia。 大 概 都 係 因 為 股 票 風 險 比 較 高 , 要 有 比 較 高 嘅 回 報 , 投 資 者 先 至 會 落 搭 。 好 似 出 糧 咁 , 底 薪 穩 定 個 個 月 有 , 而 淨 出 佣 金 嘅 就 唔 穏 定 , 收 入 時 高 時 低 , 有 時 仲 要 紮 炮 , 但 係 計 埋 平 均 收 入 要 高 咗 , 先 至 會 請 倒 人 做 嘢 。 响 個 股 市 裏 面 , 有 好 多 精 英 分 析 緊 啲 股 票 , 值 咩 價 , 雖 然 有 時 會 傻 咗 過 份 樂 觀 , 有 時 又 會 過 份 悲 觀 , 但 係 長 時 間 都 係 會 有 個 合 理 嘅 估 值 , 即 係 令 人 落 搭 的 價 格 。 買 指 數 基 金 , 就 係 利 用 其 他 投 資 者 嘅 研 究 , 用 一 個 比 較 合 理 嘅 價 買 揸 一 批 股 票 , 坐 順 風 車 。 假 如 我 呢 篇 文 一 出 , 所 有 投 資 者 都 唔 做 研 究 去 買 指 數 基 金 , 咁 買 指 數 呢 個 方 法 真 係 會 見 光 死 。 但 係 如 果 我 影 響 力 有 咁 大 , 發 咗 好 耐 囉 !

至 於 買 美 國 定 係 其 他 國 家 嘅 指 數 基 金 呢 ?

我 响 度 又 講 些 少 自 己 嘅 觀 察 。 美 國 第 二 次 世 界 大 戰 以 來 發 生 咗 12次 經 濟 衰 退 , 只 有 一 次 有 一 個 形 容 詞 - ‘The GREAT Recession’, 就 係 2007-2008, 次 按 金 融 危 機 , 引 發 咗 個 大 衰 退 , 震 央 在 美 國 , SP500由 1557㸃 趺 到 683㸃 , 跌 超 過 一 半 以 上 , 佢 仲 唔 ”金 翅 仆 街 鳥 ”? 點 知 今 日 回 頭 一 望 , SP500已 經 再 創 歷 史 新 高 , 曾 經 超 越 2000㸃 ! 反 而 , 眾 多 大 型 經 濟 體 中 , 唯 一 一 個 避 過 經 濟 衰 退 嘅 中 國 , 上 證 指 數 於 2007年 創 5900點 後 , 最 高 只 能 回 升 到 3400點 , 現 時 2374點 。 恒 生 指 數 於 2007年 創 超 過 30,000點 後 , 一 直 被 困 25000點 以 下 。 真 係 唔 知 邊 個 ”金 翅 仆 街 鳥 ”。 不 過 , 如 果 因 為 咁 我 哋 就 走 去 買 美 股 , 又 有 可 能 會 做 咗 果 隻 幸 福 的 雞 。 要 搵 出 美 國 股 票 市 場 咁 活 躍 嘅 原 因 先 至 好 落 注 。 依 我 愚 見 , 呢 個 係 美 元 全 球 通 行 嘅 著 數 , 聯 儲 局 可 以 印 銀 紙 解 決 問 題 。 唔 好 話 佢 不 顧 後 果 , 引 發 百 物 騰 貴 嘅 惡 果 , 事 實 上 , 美 國 國 內 消 費 者 物 價 指 數 一 直 都 好 靚 仔 。 美 元 全 球 通 行 呢 個 因 素 未 來 呢 幾 十 年 都 幾 難 改 變 , 所 以 , 我 會 預 期 之 前 所 列 出 嘅 表 現 可 以 繼 續 。 不 過 , 此 乃 其 中 一 個 講 法 , 大 家 最 好 都 係 睇 多 幾 本 書 了 解 下 。 如 果 唔 肯 定 , 最 多 買 多 幾 個 國 家 嘅 指 數 基 金 就 係 。

一 般 情 況 要 投 資 SP500指 數 追 蹤 基 金 有 三 大 ETF可 選 , SPY, IVV或 VOO。 http://etfdb.com/index/sp-500-index/#expenses 佢 地 嘅 開 支 比 率 (Expenses Ratio)分 別 係 0.09%, 0.07%及 0.05%。 簡 直 係 平 到 冇 朋 友 。 (話 比 大 家 知 吖 , 其 實 盈 富 基 金 (2800)嘅 開 支 比 率 都 係 0.1%嘅 啫 。 )

所 以 , 如 果 我 哋 响 云 云 眾 多 嘅 強 積 金 基 金 之 中 搵 倒 Track SP500嘅 基 金 , 作 長 時 間 投 資 , 都 可 以 有 信 心 得 到 令 人 滿 意 嘅 回 報 。

註 1 呢 個 故 事 係 我 睇 周 顯 嘅 財 經 書 學 噃 黎 嘅 , 原 本 叫 做 羅 素 的 雞 。

This entry was posted in Uncategorized and tagged , , . Bookmark the permalink.

Leave a Reply