武俠小說家寫財經書–周顯

最 近 一 口 氣 讀 完 周 顯 的 四 本 關 於 投 資 的 書 , 著 實 獲 益 不 少 。 雖 然 書 名 商 業 味 十 分 重 , 給 我 一 種 急 功 近 利 的 感 覺 , 和 朋 友 提 起 此 人 , 他 們 都 會 說 , 周 顯 呀 ? 炒 消 息 囉 , 我 地 消 息 來 源 遠 , 好 難 用 佢 的 方 法 。 相 信 大 家 所 指 的 是 他 那 本 「 炒 股 密 碼 」 。 話 雖 如 此 , 但 是 如 果 我 們 可 以 知 道 些 少 市 場 不 同 參 與 者 的 利 害 關 係 , 認 識 一 些 騙 財 的 伎 倆 , 在 投 資 過 程 中 看 出 這 些 騙 局 , 避 免 輸 錢 , 也 是 功 德 無 量 了 。

我 覺 得 對 大 家 最 有 幫 助 的 , 還 是 後 來 出 版 的 那 三 本 了 。 因 為 這 三 本 都 是 我 們 平 常 人 可 以 跟 著 做 的 。 最 後 一 本 叫 「 周 顯 發 達 指 南 」 , 這 不 是 寫 周 顯 的 發 達 過 程 , 周 生 本 人 三 更 窮 五 更 富 , 輸 清 光 都 有 本 事 一 個 轉 身 又 發 到 唔 清 唔 楚 , 不 是 一 般 平 常 人 可 做 得 到 。 這 本 書 可 以 說 是 他 所 見 的 香 港 人 的 發 達 路 線 圖 , 就 好 像 是 一 個 見 過 下 世 面 的 人 無 私 地 分 享 一 些 見 聞 , 花 些 少 時 間 讀 讀 , 會 有 幫 助 的 。

「 周 顯 發 達 指 南 」 也 有 提 及 關 於 保 險 的 地 方 , 大 意 都 是 叫 大 家 買 保 險 , 雖 然 他 自 己 的 財 富 都 是 以 千 萬 為 單 位 , 醫 療 費 用 絕 對 付 得 起 , 但 也 有 窮 的 時 候 ……呵 呵 …….以 下 有 幾 點 需 要 補 充 的 , 我 還 寫 一 點 補 充 一 點 吧 。

因 為 有 機 會 變 窮 , 未 必 時 時 刻 刻 可 以 支 付 醫 藥 費 所 以 買 保 險 ?

有 錢 又 好 , 沒 錢 又 好 , 要 找 數 時 唔 使 自 己 俾 就 最 好 。 所 以 , 有 份 保 險 就 最 好 。 你 或 者 會 話 , 顏 經 紀 , 米 玩 啦 , 買 保 險 要 俾 保 費 架 , 交 保 費 亦 不 爽 呀 。 我 就 話 : 你 唔 用 保 險 呢 個 制 度 , 要 得 到 相 同 的 contingency plan, 你 自 己 保 自 己 囉 。 嗱 …..自 己 留 起 一 百 幾 十 萬 現 金 , 有 事 隨 時 用 黎 找 數 啦 。 千 祈 唔 好 手 痕 落 注 買 野 , 定 期 存 款 都 唔 好 做 咁 長 , 你 唔 知 幾 時 要 用 架 。 做 生 意 呀 , 炒 股 呀 怕 資 金 被 壓 , 最 睇 現 金 流 , 有 資 產 未 必 有 現 金 , 如 果 急 於 變 現 , 價 錢 未 必 好 。 如 有 一 百 萬 , 用 一 兩 萬 黎 交 保 費 , 其 餘 的 攞 去 炒 , 有 保 險 , 炒 得 放 心 , 你 會 更 勇 猛 , 錢 都 贏 多 D啦 , 唔 好 同 我 計 果 幾 萬 銀 碎 紙 。

另 一 個 要 點 是 提 議 大 家 買 " term" , 不 要 買 " 儲 蓄 保 險 " 。

Term 正 式 名 稱 叫 定 期 壽 命 , 買 時 已 經 定 了 年 期 , 保 費 低 , 夠 期 要 續 保 時 , 保 費 重 新 厘 定 , 主 要 睇 當 時 年 齡 , 有 部 分 計 劃 會 再 睇 健 康 情 況 而 決 定 是 否 續 保 。 如 果 立 志 以 後 都 買 term, 買 份 三 十 年 的 就 唔 使 煩 。

儲 蓄 保 險 又 叫 終 生 壽 險 。 人 必 有 一 死 , 保 障 終 生 就 即 是 賠 硬 , 通 常 到 一 百 歲 死 唔 死 都 賠 錢 。 不 過 , 一 個 人 活 到 六 十 多 歲 時 仔 女 長 大 獨 立 , 樓 也 供 完 , 也 不 用 保 障 父 母 的 退 休 生 活 吧 。 這 時 候 , 取 消 份 人 壽 保 單 就 可 以 連 本 帶 利 取 回 , 幫 補 退 休 支 出 。 每 供 一 元 , 可 取 回 2.3元 , 每 年 複 息 計 都 有 4.9%。 雖 然 無 得 威 威 食 雞 , 但 都 唔 算 太 失 禮 。 大 家 唔 好 忘 記 , 保 戶 還 賺 了 三 十 年 的 保 障 , 如 果 一 買 即 死 , 每 付 一 元 , 可 獲 賠 償 七 十 多 元 。

至 於 買 term定 買 終 生 人 壽 保 險 , 我 會 另 文 詳 細 跟 大 家 討 論 。 寫 到 呢 度 , 還 有 幾 個 要 點 要 補 充 , 我 唔 知 會 寫 到 幾 長 , 就 此 打 住 , 下 次 再 寫 。

This entry was posted in Uncategorized and tagged , . Bookmark the permalink.

Leave a Reply